19.06.2009
kl. 12.35
Det
er i skrivande stund rett over middag norsk tid. Eg har nett hatt
ein lenger prat med Magnar Hennøy. Magnar skal i ettermiddag
føre NYBAKK ut i gamalt kjølvatn av seg sjølv
på veg til Lerwick på Shetland.
"Jau
dette blir ein artig tur og eg med fleire har sett fram til dette
ei stund", kvitterer han. Som seg hør og bør,
er han tidleg ombord på ein slik utferdsdag. Han rekne med
å hive springen rett over klokka 16. "Då skal siste
dame vere på plass ombord. Ho har fått seg ein halv
time fri frå SFO for at vi skal kome oss avgarde til klokka
fire."
Magnar
ser ikkje føre seg dei heilt store utfordringane på
turen over. "Rekne med å gå i gamle leide nord
om øyna, ut med Øksneset og Oddane mot Tampen".
Dette er del av det omtalte kjølvatnet som NYBAKK har gått
i mange hundre gonger før. "Deretter kurse vi mot Aust-Tampen.
SNORREFELTET rekne eg med at vi passere i 3-4 tida i morgon tidleg.
Deretter over mot Vest-Tampen og før vi er heilt klar den,
rekne eg med at vi kan antyde Shetland so smått i horisonten."
Veret
er meldt bra. Laber bris frå Tampen og vestover, med 1,5 til
2 meters bølgehøgde. Båten kan vegen omtrent
sjølv så dette blir ein fin tur. Vaktene er fordelte
for turen og det blir et 3 vakt system. 10 personer er med på
turen, i tillegg til eit par til som dreg over med fly.
Når
båten passerer Bress-øya på Shetland, reknar
ein med å bli motteken av ein konvoy med fartøy frå
Lerwick. Deretter vil NYBAKK bli eskortert til kai i Lerwick litt
ut på laurdags-kvelden
20.06.2009
Bortsett
frå ei kort telefonsamtale frå maskinist Audun då
NYBAKK gjekk ut av Vest-Tampen og inn på britisk sektor, høyrde
vi ikkje noko frå båten undervegs. Då er det lett
å huske på Sofie Nybakk sine ord frå langt tilbake:
"Dersom ein ikkje høyre noko frå karane, so er
alt vel." So også denne gongen. Turen har gått
greitt sjølv om det har vore litt krabbemating med enkelte.
Frå ankomsten
til Lerwick har Per-Kåre telegrafert følgande:
Ian Leask i
eigen båt kom NYBAKK i møte då vi nærma
oss Lerwick. Ian er mannen som forer Norsk Skipsfartsforum med bilder
av norske fiskebåter som er innom Shetland.
På kaia
i Lerwick stod Peter Campbell, leiar i Shetland-Vågsøy
Twinning Assosiation, og tok imot oss. Med han var også Cathy
Hallett, som vi også kjenner godt, frå Shetland Museum.
Og i tillegg til dei av våre egne som hadde reist over med
rutefly i lag med Rita Andal frå Shetlandslauget.
Etter at båten
var gjort fast vart det innvilga ei kort landlov. Cathy tok oss
med og besøkte eit par puber med locals. Her traff vi mange
lerwickara som kom direkte til bordet vårt for å helse
på. Dei fleste av dei kjente igjen båten, både
av syn og namn. Dei huska båten slik han var i gamle dager
og syns at det var storveges at han blir teken vare på og
ikkje minst besøkjer Lerwick igjen.
Deretter tok
Cathy oss med på båtklubben for å vise oss fram
i bruk av vaskemaskiner og tørketromlar. Dei gjer alt for
at besøket vårt skal bli best mulig for oss.
Som sagt så
var det ei kort landlov. Vi var tidleg om bord sjølv om det
var lengste natta i året. Båten vart klargjort til besøk
i dag og mannskapet er i rute.
NYBAKK ligg
midt i Lerwick. På hedersplass. 1 minutt å gå
til hovedgata. Kaia er full av folk som tek bilde av båten.
No har ikkje
Per-Kåre tid til å melde meir. "Eg må jo
passe på at folka får i seg vitaminane sine. ",
kvitterer han før han vende tilbake til grytene i byssa.
21.06.2009
Følgande
straumpost tikka inn frå Lerwick rett før midnatt :
Catherine Willn
var første besøkende på Åpen båt
i dag. Hun har vært i Måløy mange ganger. På
bildet står hun sammen med Rita Andal, leder i Shetlandslauget.
Pilot Us er en gammel lokal fiskebåt som ligger ved kaia til
Shetland Museum and Archives.
Vågsøyjenta
på besøk er Anita Orheim, som har bodd på Shetland
noen år, men flytter heim til Måløy i høst.
Selene, den flotte væren og markblomstene var det Atle og
jeg som så, da vi tok en liten sykkeltur i utkanten av Lerwick
i dag.
Det har vært en kjempefin dag med nydelig vær, vi håper
det fortsetter!
Kari
22.06.2009
Stor dag idag
for heile crewet. Vi har vore og besøkt utstillingane på
Shetland Museum and Archives. Men det er ikkje alt.
Stor og god
delegasjon frå Lerwick Municipal
og Shetland Museum and Archives har vore ombord til middag. Vi har
prøvd å gjere stor stas på dei og verkeleg takka
for invitasjonen til Lerwick.
Bilda under
her viser foreberedelser til middag og mottakelse.
Bilda under
her viser litt frå det seremonelle under middagen.
Vi er blitt
fortalt at det slett ikkje er alle båtar som får tildelt
det offisielle våpenskjoldet til Lerwick by. Det er allereie
montert på hedersplass i messa.
Maskinisten
melde ut på dagen om litt driftsutfordringer til kjølepumper
og vannpumper generelt. Det viste seg at hamna var full av små-maneter
og desse hadde begynt å tette igjen inntak for pumpe-systemet
på NYBAKK. Desse manetene tiltrekte seg også både
makrell og makrellterner. Og ikkje nok med det; vi kunne etterkvart
også sjå sel som jakta føde i makrellstimane
som kokte på hamna. Eit ganske sublimt syn som vi ikkje ser
så ofte.
Programmet for
den 23. er også litt spesielt. Vi vil då stenge av båten
og reise over til Scalloway. Vi vil der besøkje minnesmerket
som er reist der etter 2. verdenskrig for motstandskampen som var
styrt frå basen på Scalloway.
23.06.2009
Scalloway:
NYBAKK ligg slik til at vi går rett inn på lokalbussen
frå landgangen.
Vi tok bussen
mot Scalloway i tolvtida. Alle var med bortsett frå Kari og
Atle som passa båten.
15 minutt med
rutebuss so var vi framme på ein av dei mest kjende plassane
med norske styrker under andre verdenskrig. Her var basen der Shetlands-Larsen
tok sine tokt med våpen og agentar til Norge under krigen.
Dei første fartøya som vart brukte var norske fiskeskøyter
der langt dei fleste av dei var stjålne og ført over.
Seinare når okkupasjons-maktene vart klar over trafikken og
tapa blant mannskap på Shetlandsbussane vart store, skifta
ein over til mykje raskare torpedobåter til denne trafikken.
Idag er der
er eit museum. I tillegg eit flott minnesmerke over falne frå
shetlandbussane. Vi fekk også ein tur innom slippen som vart
brukt og huset der dei norske mannskapa budde. Og tilslutt besøkte
vi borga i Scalloway.
Omvisar for
oss var Robbie Johnson. Han er kurator på musèet i
Scalloway. Sjølv om det var utenom opningstid, tok han oss
inn og viste oss rundt.
Det var ein
audmjuk gjeng som returnerte til Lerwick fram i tre.
Som før
sagt; NYBAKK ligg midt i smørøyet omtrent på
hamna i Lerwick. Hiv vi kastelina over busskuret her, lander den
direkte på Thule bar. Kanskje var det akkurat det som gjorde
til at ein lerwiking kom om bord til oss med ei flaske Famous Grouse.
Han hørte på solljen frå oss då vi feira
jonsok med grilling på dekk. Her var det godt å vere
sa han.
Under den høgst
uoffisielle feiringa av Jonsok på shelterdekket igårkveld,
dukka Nigel Hallet opp med fele og ein nykomponert sang til NYBAKK.
Nigel hadde med seg sin Cathy og den nykomponerte sangen vart godt
motteken.
Nigel hadde
også sett komposisjonen i glas og råme og denne vart
etter urframføringa hengt på ein hedersplass i messa.
Kystmusèet
har ankomme Lerwick med Haugefisk. Dei ligg på innsida av
Victoria Pier tvers over vågen for NYBAKK. Haugefisk har med
ei utstilling om pigghåfiske som skal opne onsdag.
Imorgon satse
vi på å stå tidleg opp !
24.06.2009
Fleire av oss
sov litt frampå idag. Det var difor ikkje alle som kunne vere
med på ein guida tur til Shetland Shores for å besøkje
fuglefjell bl.a.
Haugefisk har
opna pigghå-utstillinga si idag og Magnar og Per-Kåre
var ombord så snarast. Utstillinga har ei spesiell samling
med fotografi som er teken av ein kjend Dagblad fotograf tilbake
i 1958. Journalisten var med LESTHOLM på ein tur til pigghå-felta
ved Shetland.
Det var eigentleg
fleire artige ting som hende også idag. Vi var invitert ombord
i The SWAN. Ein link til dette vakre smykket av ein båt finn
du ved å klikke på bildet under.
Som
de kan sjå av bilde, so ligg ikkje SWAN så mange lengdene
fram om baugen vår.
Kapteinen
på SWAN og sjef for SWAN THRUST,, Captain Michael Gray, hadde
sjølv bemanna relingen for å ta imot oss når
vi gjekk ombord.
Og
som gode vener for livet vart vi traktert i hovedsalongen.
Seremonielle
gåver på Shetlandsturen 2009 er ein gravert og innråma
TINE-hytt, i lag med eit bilde av dagens NYBAKK. Desse gåvene
er blitt sett stor pris på. Captain Michael Gray
Peter
Campbell vart og overrekt ein gravert TINE-hytt.
Parti
frå Commercial Street. Absolutt staden for å få
pleie til shoppe-genet.
Tilslutt må
vi og nemne at BBC Radio var ombord og lagde et program om NYBAKK.
Her måtte maskinisten absolutt trå til for å få
igang Calle mens lydopptakarane gjekk. Vi er lovt å få
med opptak av programmet heimatt. Programmet gjekk på radioen
i Shetland om kvelden.
Shetland Times
var også ombord. Vi går og vente på ferske aviser
for å sjå kva resultat blir.
Også heilt
til slutt. Vi er tekne imot som grevar og blir bore fram på
ei bylgje av velvilje. Maken til gjestfrihet møter ein sjelden.
25.06.2009
Eg vil først
opplyse om ei artig sak som de kan få lytte til om de har
EDB-apparat med høgtålar. I ettermiddag har vi hatt
besøk av Ida Dyrkorn Høyland frå Kystmusèet
på tokt med Haugefisk. Ho har laga ein kort reportasje som
er lagt ut på Kystmusèet sine sider som podkast. Du
finn podkasten ved å klikke på bildet av seksringen
under.
Husk å
trykke på play på metaplayeren som dukke opp.
Kari har oppdatert
oss med bilder og tekst denne dagen:
God morgen fra
Lerwick i sol og med temperatur på 15-16 grader.
Bildene er fra i går, da to grupper fra Nybakk var ute og
rodde i sixareen, eller seksæring som vi sier, sammen med
folk fra roklubben (tror jeg) og en av de to karene som bygde seksæringen
for et år eller to siden.
Båtbyggeren
er på et av bildene, og han heter Robbie Tait. Han bygde seksæringen
"Vaila Mae" sammen med Jack Duncan, og båten tilhører
Shetland Museum and Archives.
Bildet av Ragnhild er tatt i går kveld, da en måse fikk
inn en fulltreffer ved bordet vårt utenfor fest-teltet på
Victoria Pier.
Siste bilde viser seilbåter i havna. Det er noen av båtene
fra regattaen The Bergen - Shetland Race, som kom inn i løpet
av dagen i går.
Dette blir trolig siste oppdatering, for i morgen drar vi damene
i pinglekonvoien tidlig av gårde fra Lerwick. Det kan evt.
bli et par bilder i kveld, får se.
Hilsen Kari
26.06.2009
og 27.06.2009
Kari hadde faktisk
meir på lur, når ho hadde komt tilbake til Måløy.
I skrivande
stund har NYBAKK vore i rom sjø i vel 6 timar etter at den
forlet LERWICK, rundt middag 27. juni.
Vi drøye
derfor tida med å distribuere nokre bilete frå den daglege
donten som har vore på NYBAKK mens vi har lagt i LERWICK.
Her er Evy i
full gang med kjøkkenteneste. Fersk-steikte baguetter til
bacalao.
Bildet over
er av mr. & mrs. Tait, henholdsvis Eli og Robert Tait, som bur
i East Burrafirth. Eli er født Viksøy Sande og kjem
frå Svelgen.
Dette bildet
er av Bella Irvine frå Lerwick. Hov vitja NYBAKK i lag med
bror sin. Bella snakke norsk og har mange vener i Vågsøy.
Desse to som
koser seg på dekk med bacaloa, er bergensere som var deltakarar
i The Bergen Shetland Race. Vi hadde mange deltakarar frå
seglasen ombord, takka vore ein lur idè from the locals.
Der var ca. 40-50 deltakande båtar på seglasen i 2009.
Vi er litt usikre
på kva båt dei kom med, men antakelegvis er det ein
av desse her......
Ole Steffen
tek også tydeleg ansvar i den daglege donten ombord i NYBAKK.
Legg merke til tydeleg beinføring og motivert tak om ausa.
Og i reklame-augemed, so er tønnene laga i bødker-verkstaden
bort i Hagevikja.
KARI foto og tekst. John-Arne telefonisk kontakt og tekst.
28.06.2009
HEIMVEG
Hallo til alle
som har følgt med på loggen vår under Shetlandsturen.
Sidan vi no
er trygt i hamn vert dette siste bidraget til bloggen om Shetlandsturen.
Denne gongen er det Atle bak tastaturet.
Underteikna.,
som skulle vere fotoansvarleg under kryssinga, vart sett grundig
ut av sjøsykje på vegen bortover så fotobidraga
vart deretter. I løpet av opphaldet på Shetland hadde
fotografen likevel ei kraftig formstiging, og greidde kryssinga
tilbake på ein akseptabel måte, og det vart litt fleire
bilete. Vi skal heller ikkje sjå bort frå effekten av
nokre sjøsjuketablettar som heiter Stugeron-
dei vert med dette varmt anbefalt!!
Men- sjøsjuke
eller ikkje, dette vart i alle fall ei utruleg flott og uforgløymeleg
veke.
Utpå
ettermiddagen laurdag kom der ein gjeng shetlandske vikingar om
bord, og med nokre skikkelege brøl ønskte dei oss
god tur tilbake til Vestlandet. Vi kasta fortøyningane kl
3 på ettermiddagen 27.06 og var framme i Barstadvika dagen
etter ca kl 1900. Turen tilbake til Barstadvika gjekk føre
seg i minst like flott ver som då vi for bortover.
Nordsjøen
28.06.2009. Mellom dei av oss som hadde meir erfaring frå
havet enn fotografen, var det semje om at Nordsjøen sjeldan
er så vennlegsinna som her.
"Cruiseturistar"
på galgedekk styrbordside. På babord var det mulig å
prøve seg på lerdueskyting..
Audun
kurser austover. Audun i styrte ikkje berre skuta på brua,
men han styrte på i maskina òg; berre sjå på
oljeflekkane rett under skjorteermet.
...og
i masta flaug vimplar og flagg...
Laurdags
kvelden var Arve grillsjef framme på dekket. Noko dønning
var det, og ikkje heilt det same som å ha fast grunn under
beina heime på altanen.
Solnedgang
i Nordsjøen.
.
Tidleg
på føremiddagen søndag tok skipparen med seg
kaffikoppen ut på luka. I det han gjekk gjennom styrehusdøra
nemnde han noko om at han skulle sjekke "...korleis han såg
ut i dag." Seinare på dagen sette han i gang med meir
eller mindre full nedvask av styrehuset. Kokken meinte det måtte
vere nær på 25 år sidan der hadde vore vatn, klut
og såpe kring i krokane i styrehuset.
Søndag
var det lettsalta torsk til middag. Audun hadde flekt og salta på
rett etter frukost.
Med
mannskapet oppstilt på dekk seig Nybakk inn til kaia i Barstadvika
etter å ha brukt 27 timar på turen frå Lerwick.
Vel
i hamn ! Magnar, som tok oss fram og tilbake over Nordsjøen
på ein framifrå måte, held her eit vake auge med
at Nybakk kjem vel og forsvarleg til kai etter turen.
Ja,
og så var det dei som tydeleg var glade over å sjå
kvarandre att etter meir enn ei heil veke.
|